Pura Bagus Taruna

OM Awighnamastu namo siddham.

Nihan pratekaning Bhatara mara ring Bali, kaunggwanira Sang Mpu Kuturan, bhiniseka ring Majapahit, kagawa ring Bali, unggwanira Bhatara kabeh, Bhatara ring Basukih, Bhatara ring Watumadeg, Bhatara ring Batu Manyeneng, Bhatara ring Sakenan, Bhatara ring Kadaton, Bhatara ring Tegalmel, Bhatara ring Gunung Kabhyung, Bhatara ring Watukaru, Bhatara ring Kapatihan, Bhatara ring Ujung, Bhatara ring Uluwatu, ring Maniyan, ring Margalaya, ring Panataran, Bhatara Limang Sanak, Dewa ring Delod Peken, Pangulun Gelgel, panyungsungan para Punggawa ring Bali, wite tekeng Majapahit, kapungkur Bhatara Sang Bhakabhumi, manyeneng ring Ulunswi, mangraksa uriping sarining sawah.

Lontar

Waluyakna ikang katha, ri sapangrawuh sira Danghyang Makandeya ring pulina Bali, sawatara ring warsaning loka 778 Masehi, sira iniring dening Wong Aga, wite saking gunung Rawung, jagat sisi wetan Jawi. Kala ika angungsi padaning Toh Langkir, Gunung Agung, ngaran, irika angrabas ikang alas, angawe kuwu-kuwu mwang agawe uma lan parlak. Nghing ring pangrawuh kapretama hana kadurmanggalan kang jagat, ika marmane sira awalik ka Gunung Rawung, anunas anugraha ri Hyang Pasupati. Huwus mangkana awalik sira nyujur Basukihan, angaci-aci ikang jagat, amendem Panca Dhatu ring Basukihan, ika matangnyan jagat landuh, mupu ring sarwa tinandur ring uma mwang parlak. Sangke irika hana Subak Toya lan Subak Tegal.

Ring pangrawuh Danghyang Markandeya ring jagat Bali, ika matangnyan hana panyungsungan ring Uma lan Parlak, ring Uma maka lingganing Dewi Sri lan ring Parlak lingganing Hyang Sangkara, maka cihna kalanduhaning jagat.

Ri sampun jagat Baline kawisesa dening Majapahit, sawatara ring masaning loka 1268 Saka, sima dresta haneng Jawa winawa ring jagat Bali. samangkana juga niti praya ring Bali ring sapangrawuh sira Dalem Kresna Kapakisan, mauwah ninutin sima dresta ring Majapahit, tur macampuh ring dasar budayane ring Bali. Ikang angawa jagat, juga nitenin ring pasawahan lan panegalan.

Ri kala ikang jagat Bandhananagara kawengku dening Pamecutan, Pura-Pura Pasedahan Pasubakan, kawisesa dening Puri, tur hana kasuksara ring para pangabih idane. Ring pantaraning warsa 1889, hana kacarita Pura Bagus Taruna, maka kelasiran Bagus Taruna, ring pradesa Legian, kasuksara ring pangabih Puri, sane wenten ring desa Legian.

Wewidangan Pura inucap, malwa 35 hektar, wantah saking karihinan maka Pasubakan Tegal, kasiwi olih wong pamondokan ring satiraning Desa Legian. Kahananne mangke ikang pakebeh jagat, panegalan ika mangdadi pomahan perhotelan. Nghing ika Pura Bagus Taruna jejer kaempon olih kulawarga Odah Badung Gubyug lan kasiwi olih sang sane wenten ring wewidangan ika. Hana maka bhisama ring wewidangan Kelasiran Pura inucap tan dados alaki rabi.

Mangkana lacarita sakeng karihinan, katama rawuh mangkin, tur sampun kasungkemin olih sang ngawisesa jagat.

Subal.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s